ଭାରତ ବର୍ଷର ବିଶାଳ ବୃକ୍ଷରେ ମୂଳ ହିଁ ଶ୍ରମିକ ଜଗତ,
ସଭିଙ୍କୁ ଅନ୍ନ,ବସ୍ତ୍ର,କୁଟୀର ପ୍ରଦାନରେ କାର୍ଯ୍ୟରତ
ନିଜ ହାତରେ ଉଷର ଭୂଇଁରେ ସବୁଜିମା ଦିଏ ଭରି,
କୃଷି ଉତ୍ପାଦନ ଶିଳ୍ପର ଚାଳନା ଯନ୍ତ୍ର ହାତେ ଥାଏ ଧରି
ସେତୁ ସୌଧ ପଥ ନିର୍ମାଣେ ଦେଶର ଜନତା ପାଇଁ,
ନିଜର ମୌଳିକ ଆବଶ୍ୟକତା ରୁହେ ଅପୂରଣ ହୋଇ
ସୁସଂଗଠନର ଅଭାବେ ସଂହତି ସୁଦୃଢ ନୁହଇଁ ଯେଣୁ,
ଶ୍ରମଦାନ କରି ଦେଶ ଗଢି ମଧ୍ୟ ଅଜଣା ରୁହଇ ତେଣୁ
ଏଣୁ ଦେଶ ବାସୀ ଶ୍ରମିକ ଜଗତେ କଲ୍ୟାଣ ରଖ ମନ,
ଦେଶର ହିତରେ ଦେଶ ଅର୍ଥନୀତି କର ଶ୍ରମିକ ପ୍ରଧାନ
ଉଦ୍ୟୋଗ ପାଇଁ ପୁଞିର ଯେତିକି ରହିଛି ଆବଶ୍ୟକତା,
ଶ୍ରମ ଦାନର ସେତିକି ମୂଲ୍ୟ ଭୁଲନାହିଁ ଏ କଥା
ପୁଞି ଓ ଶ୍ରମ ମୂଲ୍ୟ ସମାନ ଉଦ୍ୟୋଗର ଭାଗିଦାରୀ,
ଶ୍ରମିକେ ରାଷ୍ଟ୍ରିୟ କରଣେ ସୁସ୍ଥ ରଖିଲେ ହିତ ସବୁରି
ରାଷ୍ଟ୍ରରେ ଶିଳ୍ପ ମେଲାଇ ଦିଅ,ଶିଳ୍ପରେ ଶ୍ରମିକ ଶ୍ରମ,
ରାଷ୍ଟ୍ର ଅର୍ଥନୀତି ସୂଚାରୁ ହୋଇଲେ ହେବ ଉନ୍ନତି ସୁଗମ
ଏ ମହାନ ଚିନ୍ତା ନାୟକ ଶ୍ରୀ ଦତ୍ତୋପନ୍ତ ଙ୍କ ଅମର ବାଣୀ,
ତୁଟାଇବ ଦେଶୁ ସକଳ ସମସ୍ୟା ରାଷ୍ଟ୍ରାୟତ ଭାବ ଆଣି
ଚକ୍ରମୁଷ୍ଟି ଆଉ ଶସ୍ୟ କେଣ୍ଡା ଚିହ୍ନିତ ଗୌରିକ ଧ୍ୱଜ,
ଦେଶର ପ୍ରତି କୋଣରେ ଉଡି ଆଣୁ ଆର୍ଥିକ ସ୍ୱରାଜ
ବିଦେଶି ପୁଞି ସାମ୍ରାଜ୍ୟ ବାଦୀ ବିରୁଦ୍ଧେ ଲଢାଇ କରି,
ଶ୍ରମିକ ଜଗତ ମଢିବ ଭାରତ ପରମ ବୈଭବ ଶାଳୀ
ନେସ୍କୋ ଶକ୍ତି ସଂଘ ଉଡାଉ ଥିବ ସଦା,ବିଜୟର ଗୌରିକ ଧ୍ୱଜା
ବନ୍ଦେ ମାତରମ ଭାରତ ମାତାର ଜୟଗାନେ ଉଚ୍ଚ ଧ୍ୱନୀ,
ପ୍ରକମ୍ପିତ ହେଉ ଗଗନ ପବନ ଭାରତର ପୂଣ୍ୟ ଭୂମି
ବିଶ୍ୱଜିତ ମାଇତୀ (ଜେ.ଟି.),ନେସ୍କୋ
No comments:
Post a Comment