Welcome to Vishwakarma Sanketh

Welcome to Vishwakarma Sanketh
बाबा बीश्व्कर्मायः नमः

Sunday, November 3, 2013

"ଏକତା ଠାରୁ ବଡଶକ୍ତି କିଛି ନାହିଁ"



ନେସ୍କୋ ଶକ୍ତି କର୍ମଚାରୀ ସଂଘ ବାଲେଶ୍ୱର ଜିଲ୍ଲାରୁ ଉତ୍ପତି ଏବଂ ଏହାର ମୂଖ୍ୟ କାର୍ଯ୍ୟାଳୟ ହୋଇଥିବାରୁ୤ ଏହା ଆମ ୟୁନିୟନ ର ଗର୍ବ ଓ ଗୌରବର ବିଷୟ ୤ କାରଣ ଏହି ମାଟି ଦେଶର ସ୍ୱାଧିନତା ସଂଗ୍ରାମରେ ରକ୍ତତୀର୍ଥ ଇରମ ସହିଦ ସ୍ମୃତିପିଠ , ଜାତିର ଜନକ ମହାତ୍ମା ଗାନ୍ଧିଙ୍କ ନେତୃତ୍ୱରେ ଇଞ୍ଚୁଡିରେ ଲବଣ ସତ୍ୟାଗ୍ରହ , ଭାରତୀୟ ମାନଙ୍କର ସ୍ୱାଧିନତା ଆନ୍ଦୋଳନର କଥା କହେ ୤ ବିଶେଷ କରି ମହାପୁରୁଷ , ବ୍ୟାସକବି ଫକିର ମୋହନ ସେନାପତି ଙ୍କ ଲେଖା ଓଡିଆ ଜାତି ପ୍ରୀତି ହୃଦୟରେ ଆନ୍ଦୋଳନ ସୃଷ୍ଟି କରେ ୤ ଏବର ପିଲା ସବୁ ଇଂରାଜୀ ପଢୁଆ ୤ ଓଡିଆ କହିଲେ ତାଙ୍କୁ ଲାଗେ ଅଡୁଆ ୤ ଏହି ଦୃଷ୍ଟିରୁ ଆମ୍ଭ ୟୁମିୟନର ଶ୍ରମିକ , କର୍ମଚାରୀ ଫକିର ମୋହନ ସେନାପତି ଙ୍କ ଆଦର୍ଶ କୁ ପାଥେୟ କରି ବିଦ୍ୟୁତ କ୍ଷେତ୍ରରେ ଜଡିତ ଭାଇ ଓ ଭଉଣୀ ମାନଙ୍କୁ ଜାତୀୟତା ମୂଲ୍ୟବୋଧ , ଏକତା ମାଧ୍ୟମରେ ସଂଗ୍ରାମ କରିବାକୁ ଦିଗ୍‌ଦର୍ଶନ ଦେବ ୤ ଆମ ସଂଘ ବହୁ ଘାତ ପ୍ରତିଘାତ ମଧ୍ୟରେ ଗତିକରି ଶ୍ରମିକ/କର୍ମଚାରୀ ମାନଙ୍କର  ଅନେକ ନ୍ୟାର୍ଯ୍ୟଦାବି ହାସଲ କରିପାରିଛି ୤ ଏହା ଆମ ନେସ୍କୋର ସର୍ବ ବୃହତ ଶ୍ରମିକ ସଂଗଠନ ୤ ଆମ ସଂଘ ସତ୍ୟ , ନ୍ୟାୟ , ଏକତା , ଅହିଂସା ଓ ଜାତୀୟତା ମୂଲ୍ୟବୋଧକୁ ବିଶ୍ୱାସ କରେ ୤ କିନ୍ତୁ ୧୯୯୯ ମସିହାରେ ସରକାର ବିଦ୍ୟୁତ ବୋର୍ଡକୁ ଘୋରଇ କରଣ କଲେ ୤ କମ୍ପାନୀ ବୋର୍ଡକୁ ୪ ଗୋଟି ଯୋନରେ ବିଭକ୍ତ କଲେ ୤ ତାହାଦ୍ୱାରା କର୍ମଚାରୀ ମାନେ ୪ ଭାଗରେ ବିଭକ୍ତ ହେଲେ ୤ ତା ସଙ୍ଗେ ସଙ୍ଗେ କର୍ମଚାରୀ ମନଙ୍କର ନ୍ୟାର୍ଯ୍ୟ ଅଧିକାରକୁ ସଙ୍କୁଚିତ କଲେ ୤ବିଦ୍ୟୁତ୍  ଶ୍ରମିକ/କର୍ମଚାରୀ ମାନଙ୍କ ପ୍ରତି ହେଉଥିବା ଅନ୍ୟାୟକୁ ପ୍ରତିରୋଧ କରିବା ପାଇଁ ବହୁ କଷ୍ଟ ଓ ପରିଶ୍ରମ କରିବାକୁ ପଡୁଛି ୤  ସରକାରଙ୍କ ସଙ୍ଗେ ହୋଇଥିବା ଚୁକ୍ତିକୁ କମ୍ପାନୀ ଖିଲାପ କରିବା ସଙ୍ଗେ ସଙ୍ଗେ ଘୋରଇ କରଣ ହେବା  ଠାରୁ ଆଜି ପର୍ଯ୍ୟନ୍ତ ହଜାର ହଜାର ଗ୍ରାହକ ଓ ଇଣ୍ଡଷ୍ଟ୍ରି  ବଢୁଥିବା ବେଳେ କର୍ମଚାରୀ ସଂଖ୍ୟା କମି କମି ଚାଲିଛି ୤ ଏକଥା ବାରମ୍ବାର କମ୍ପାନୀ , ସରକାର , ଶ୍ରମ ବିଭାଗକୁ ଜଣାଇଲେ ମଧ୍ୟ କେହି ଶୁଣୁ ନାହାନ୍ତି ୤ ସେଥିପାଇଁ ସଂଘ ବାରମ୍ବାର , ଗଣତାନ୍ତ୍ରିକ ପଦ୍ଧତିରେ ଆନ୍ଦୋଳନ କରୁଥିଲେ ମଧ୍ୟ ସମସ୍ତେ ନିରବ ୤ ବର୍ତ୍ତମାନ କର୍ମଚାରୀ ମାନଙ୍କୁ ୧୨ ଘଣ୍ଟା ରୁ ୧୮ ଘଣ୍ଟା ଡିୟୁଟି କରିବାକୁ ପଡୁଛି ୤ ଯାହାକି ବଡ ଦୂଃଖ ଓ ପରିତାପର ବିଷୟ ୤ ଦୂଃଖ ବଢି ବଢି ଚାଲିଛି ୤ ଦୂଃଖ ଆମ ଜୀବନରେ ଏକ ଅଙ୍ଗ ହୋଇଯାଇଛି ୤ ଯାହାର ପ୍ରତିକାର କଥା କେହି ଚିନ୍ତା କରନ୍ତି ନାହିଁ ୤ କମ୍ପାନୀ କେବଳ ରେଭିନ୍ୟୁ ଉପରେ ଯୋର ଦେଉଛି ୤ କଞ୍ଜୁମର ଯେତେବେଳେ ଠିକ ଟଙ୍କା ଦେଉଛି ସେ ଠିକ ଲାଇନ ପାଇବା ଦରକାର ୤ ଏକଥା କମ୍ପାନୀ ବୁଝିବା ଉଚିତ ୤ ଗୋଟେ ଲାଇନ ଯେକୌଣସି କାରଣରୁ ଖରାପ ହେଉନା କାହିଁକି ତାକୁ ସଜାଡିବା ପାଇଁ ଯେଉଁସବୁ ସରଞ୍ଜାମ ଦରକାର , ତାହା ମାଗିଲେ ମିଳୁନାହିଁ ୤ ଉପୁରୁ ଆସୁନାହିଁ ଆମେ କେଉଁଠୁ ଦେବୁ ଇତ୍ୟାଦି ଇତ୍ୟାଦି ୤ ଲାଇନ ନପାଇଲେ ମାଡ , ଗାଳି , ଧକ୍କା ନାନା ପ୍ରକାର କଷ୍ଟ ସହିବାକୁ ପଡୁଛି ୤ ଅଫିସ କୁ କହିଲେ ଲିଖିତ ଦେଲେ ମଧ୍ୟ କୌଣସି ସୁରକ୍ଷା ମିଳୁ ନାହିଁ ୤ ବର୍ତ୍ତମାନ ମୁଁ ଆପଣଙ୍କୁ ଅନୁରୋଧ କରୁଛି , ପ୍ରତ୍ୟେକ କର୍ମଚାରୀ ଭାଇ ମାନେ ଆମ ମାନଙ୍କର ଆତ୍ମ ସମିକ୍ଷା କରିବା ନିହାତି ଦରକାର ୤ ଆମ୍ଭ ମାନଙ୍କର ଭବିଷ୍ୟତ କଣ ? ଆମେ ମାନେ କଣ କରିବା ଦରକାର , ମୁଁ ଆପଣ ମାନଙ୍କୁ ପ୍ରଥମରୁ କହିଛି ଆମ ୟୁନିୟନ ଜାତୀୟତା ଉପରେ ବିଶ୍ୱାସ କରେ ୤ ଯେଉଁ ଉଦ୍ଦେଶ୍ୟ ନେଇ ଓଡିଶା ସରକାର ଘରୋଇ କରଣ କରିଥିଲେ  , ତାହା ସମ୍ପୁର୍ଣ୍ଣ ବିଫଳ ହୋଇଛି ୤ କିନ୍ତୁ ତାହାର କୁଫଳ ଓଡିଶାର ଜନସାଧାରଣ ଏବଂ କର୍ମଚାରୀ ଭୋଗୁଛନ୍ତି ୤ ଆମ ସଂଘର ମୂଳ ନୀତି , ସଂସ୍ଥାର ଉନ୍ନତି ହେଲେ ଗ୍ରାହକ ଓ କର୍ମଚାରୀ ଙ୍କ ଉନ୍ନତି ୤  କିନ୍ତୁ କମ୍ପାନୀ କାହାରି ଉନ୍ନତି ନ ଦେଖି କେବଳ ତାହାରି ଉନ୍ନତି କରିବା ରେ ଲାଗିଛି ୤  ଓଇଆରସି / ରାଜ୍ୟସରକାର ଆଜି ପର୍ଯ୍ୟନ୍ତ କୌଣସି ପଦକ୍ଷେପ ନେଉନାହାଁନ୍ତି ୤ ବିଦ୍ୟୁତ ଗତି ମୁକ୍ତି ପ୍ରଗତିରେ ଏକ ମାତ୍ର ରାସ୍ତା ୤ ବିଦ୍ୟୁତ ବିନା ରାଜ୍ୟର ଉନ୍ନତି ଅସମ୍ଭବ ୤ ଏଣୁ ଆମ୍ଭମାନଙ୍କର ଏକତା ନିହାତି ଜରୁରୀ ୤ ଆମ ଶ୍ରମିକ , କର୍ମଚାରୀ , ଭାଇ ଭଉଣୀ ମାନଙ୍କର ଭବିଷ୍ୟତ ଉନ୍ନତି ଓ ଓଡିଶା ବାସୀଙ୍କର ଉନ୍ନତି ପାଇଁ ଏକତା ଦରକାର ୤ ଏହା ଜାତିର ଜନକ ମହାତ୍ମା ଗାନ୍ଧୀ ଶିଖାଇଛନ୍ତି ୤ ଆମ ଭାରତୀୟ ମାନେ ପ୍ରମାଣ କରିଛନ୍ତି ଏକତା ଠାରୁ ବଡଶକ୍ତି କିଛି ନାହିଁ ୤ ବିଦ୍ୟୁତ୍ ଗ୍ରାହକ ଓ ବିଦ୍ୟୁତ୍ ବିଭାଗର କାର୍ଯ୍ୟକରୁଥିବା ଶ୍ରମିକ/କର୍ମଚାରୀ ଭାଇ ମାନଙ୍କୁ ଅନୁରୋଧ ଏକ ହୁଅନ୍ତୁ , ଏକତା ରକ୍ଷା କରନ୍ତୁ ୤
 Sri Ramakanta Sahoo , Non Formal Worker , NESCO